السلام عليكم ورحمة الله وبركاته
انا عندى اقتراح لتطوير اللعبة من رائى هيخلى اللعبه ليها حماس وتشويق ونظام تانى فى حروب التحالفات كانها دولة وليها ولايات
الاقتراح هو ان يتعمل حاجه اسمها ( بيت المال ) فى كل تحالف وكل عضو فى التحالف يدفع ضريبة فى التحالف يحددها القائد ده على حسب كل تحالف وقدرته وبعد المشاورة على الضريبه لان كل الاعضاء وبما فيهم القائد هيكون عليه نفس الضريبة قول مثلا 10 الاف ذهب يوميا من كل عضو فى التحالف
يعنى لو تحالف فيه 100 عضو يعمل دخل ضرائب 10000*100= مليون ذهب يوميا هينضاف الى بيت المال
طيب وايه الاستفاده من بيت المال ده
ده هيكون عشان لو تحالف حصل مشكلة مع تحالف اخر فتحالف فيهم هيرسل رسالة فيها طلب جزيه بدل ان يهاجمه وينهب موارده والجزيه دى هتتاخذ من بيت مال التحالف الاخر وتنضاف الى التحالف اللى رسل الطلب
والاختيارات اللى هتكون قدام الطلب ده 3 اختيارات هتكون متاحه للقائد فى السفارة
1- اوافق على دفع الجزيه المطلوبة ( بعدها الجزيه مثلا ممكن يكون مبلغ معين هينتقل من التحالف ده الى التحالف الاخر وممكن يكون على فترات هيكون متاح للقائد تحديدها )
2- لا اوافق ( والرد ده هيكون رفض الجزيه نهائى وبداية الحرب اما ان يتفكك تحالفه او يكسب الحرب وعند كسب الحرب هياخذ نصف الجزية اللى كان عرضها عليه التحالف الاخر لكن لابد من انسحاب التحالف الاخر عن طلب الجزيه معنها انه لا يستطيع اخذها بالقوة وانه استسلم ولذلك سوف يخسر نصف ما طلب للتحالف الاخر من ذهب من بيت المال )
3- بداية الحرب ( بعد اختيار الرد ده هتبدا الحرب وبعدها هيكون ردين اما اوافق او لا اوافق )
طيب ازاى التحالف ده هيكسب او هيخسر وده بقى الهدف اللى انا عايز ان يتعمل
عند بداية الحرب بين التحالفين هيتغير لون الجزر لكل تحالف فيهم للاخر ولون المدن وعند خسارة اى لاعب فى كلا التحالفين وخسر تقرير مهما كان حتى لو كان تقرير ضعيف وبذلك اللى خسر ده هيسبب نقص لكل تقرير واحد مثلا 10 الاف ذهب تنقص من بيت مال تحالفه مع كده ان ممكن التحالف يخسر تقارير كتير ويبدا خسارة الذهب من بيت التحالف لو تحالف مقدرش يتحكم فى اموال تحالفه وخسر كل الذهب من بيت المال يتفكك التحالف تلقائى وبكده هيعمل الف حساب للمشكلة وللاختيارات الثلاثه .
وطبعا عشان كل تحالف يعرف مدى مشاركة كل عضو فى التحالف فى الحروب يكون فى التحالف صفحة فيها التقارير لكل عضو عدد التقاير اللى كسبها واللى خسرها ويقدر القائد اعادة التقرير الى وصع الصفر عند نهاية الحرب وبداية حرب جديدة .
وكمان ممكن حاجه عند اوقات الحرب وتعسر الاعضاء فى الذهب ممكن المسئول عن بيت المال ارسال الذهب ولكن ليس لعضو واحد حتى لا يكون ضد قانون الدفع بل سيكون تحديد رقم معين من الذهب وسوف يتم توزيعه على كل اعضاء التحالف من بيت المال ويكون حريص على عدم توزيع كل الذهب حتى لا يقع التحالف فى نقطة تفككه تلقائيا عندما ينتهى الذهب كله من بيت المال ويمكن تحالف اخر مهاجمته ويسبب له التفكك
الاقتراحات الثانيه هى ان يكون لكل قائد عند دخوله على صفحة تحالف اخر 3 اختيارات
1- مهاجمة التحالف او طلب الجزيه بدل الحرب ( وعندما يرسل الطلب ده لابد من رد من التحالف الاخر فى خلال مده معينه يحددها المرسل وعند عدم الرد تعنى بداية الحرب ولكن لابد اختيار من الطلب ولكن عند عدم مقاومة التحالف الراسل لطلب الجزيه فى الحرب يطلب الانسحاب بالطلب ولكن سوف يخسر نصف ما طلب من ذهب )
2- معاهدة سلام ( ولها مدة معينه يتفق عليها كلا من قائد التحالفين ويحدد عدد من الذهب مثلا 10 مليون او على حسب قدرة التحالف وعند كسر المعاهدة من تحالف لاخر قبل نهاية المدة المحددة ينتقل الذهب من التحالف الى الاخر )
3- طلب الحماية ( وهى عبارة عن التحالفات الصغيرة تتطلب الحماية من تحالف كبير مقابل دفع جزية محددة وتكون ليست عبأ كبير على التحالف الصغير ويمكن لتحالف قوى واحد ان يحمى تحالفات عددية صغير مقابل ان التحالفات الصغيرة تمدهم بالمال للحروب (الجزية) من اجلهم وتكوين الجيوش من اجل الحماية )
هبقى اقولكم ايه الاهداف اللى هتحصل بعد ما اسمع الردود ولكن لا احد يستهزء بالاقتراح لان كل واحد وفكرته ممكن يكون حاجه تجبنتى ومتعجبش اخر فتقبلوها منى . وشكرا
اخوكم / وائل
يا ريت يا جماعه لو حد عجبه الاقتراح وبيعرف انجليزى يترجم الاقتراح ونرسله فى المنتدى الاجنبى عشان المنتدى العربى ملهمش لازمه فى التحديثات
الجنس 
تاريخ التسجيل
عدد المساهمات
المزاج
العمل/الترفيه