اول موضوع ليا وعايزة اكبر تحيه

مرة واحد مسطول قابل واحد قاله الساعة كام قاله خمسة وخمسة فرد عليه المسطول وقاله ما تعرفش تقول عشرة وخلاص

مره واحد مسطول رجع بيتهم متأخر، اخته فتحتله قالها كنتي فين يافاجرة لحد دلوقتي

مره واحد مسطول امه بتصحيه وبتقوله قوم يابنى الشمس طلعت قالها دخليها وقفلى الباب وراكى

واحدة نايمة جنب جوزها سمعت صوت في الصالة قالت لجوزها قوم شوف يمكن حرامى قالها قومي شوفى انتى يمكن حرامية

محشش سأل محشش: في رأيك عيد الفطر هيوافق يوم الخميس. فرد عليه: إذا ضغطنا عليه أكيد يوافق.

طبيب نفسى اشترى ساعة سيكو عالجها بالصدمات

مره واحد ابنه طلع من الأوائل عمل ايه ؟؟؟؟ شفروه

مرة واحد مسطول بيلعلب كورة اخد الكورة على صدرة طلعها من منخيرة

جماعة بيحششوا ... فجت كبسه... كل واحد اسـتخبه في شوال جه الظابط ضرب الشوال الاول برجله خرج واحد منهم و اعد يكاكي وعمل نفسه فرخه ضرب التاني خرج واعد يدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش

مرة دكتور تحليل امة ماتت قال تحاليلي ياما

مره واحد بخيل اوى بعت ابنه يشترى له بعشره صاغ جبنه .....راح الواد ورجع بعد شويه وقاله بابا البقال بيقولك تعال الحس السكينه

بلديات قال لصاحبه .. بالي مشغول من امبارح قاله يمكن حد رافع السماعه

مرة واحد مدرس سأل واحد تلميذ أبوك اشترى من الفكهانى اتنين كيلو برتقال سعر الكيلو اتنين جنية يبقى ابوك دفع كام؟ فقالو التلميذ يبقى دفع اتنين جنية ياأستاذ فقالو الاستاذ بص يابنى انت ماتعرفش حساب فقالو التلميذ لا ياأإستاذ دا انت اللى ماتعرفش ابويا

مرة كان في ماتش بين فريقين حشرات في الشوط الاول في فريق انهزم واحد صفر و الشوط الثاني نزلت أم أربعه و اربعين دخلت 42 هدف بعد الماتش صحفي بيسأل المدرب اللي فاز :ليه مانزلتش أم أربعه و أربعين من أول الماتش ٌقاله:كانت بتربط الجزمة

بخــيل وقع فى حفرة ، فتجمع عليه الناس علشان يساعدونه ... المهم انه في الآخر ما كانش راضي يطلع ، فجاهم واحد و سألهم ايه اللى بيحصل ؟ قالوله احنا قاعدين نقوله هات ايدك هات يدك وهو رافض، قال بسيطه ، راح عند البخيل وقال له خذ ايدي ................فطلع البخيل

اوعو حد يقولى رخمين...هزعل